Oppskrifter frå Tuba Ardic

Sitroncurd

Sitroncurd er ein engelsk sitronkrem som er veldig populær i Ciderhuset. Nydeleg på alt! Sitroncurd held seg lenge i kjøleskapet, men den er så god at den sjeldan blir ståande så veldig lenge hos oss. Vi kan sei at nesten alt blir godt med sitroncurd på! Og du kan lage denne oppskrifta med andre smakar. Ein anna favoritt er appelsincurd som og passar veldig godt til jul!

Ingrediensar: 4 eggeplommer, 150 g sukker, 1 dl (120 g) pressa sitronsaft, reve skall av 2 sitroner, 100 g smør.

Framgangsmåte Ha eggeplommer, sukker, sitronjuice og sitronskall i ein glassbolle som kan tåle varme, og sett over ein kjele med kokande vatn. Det er veldig viktig at du varmar opp sitronkremen over vanndampen under stadig omrøring heilt til kremen blir tjukk og kremete. Ta kjelen av plata og rør i mjukt smør i klattar. Avkjøl kremen i kjøleskapet til den er heilt kald og helst til dagen etter. Nam! 😊

Heimelaga krokan på sjokoladeplater

Eg liker å ha noke «knas» på sjokoladen. Oppå platesjokoladen, eller i sjokoladeganache. Min favoritt er hasselnøttkrokan. Det er og veldig god på is! Enkelt og veldig godt!

Ingrediensar: 1/2 ss smør, 4 ss sukker, 4 ss hakkede mandlar.

Framgangsmåte Smelt smøret på ei lita steikepanne. Ha på sukkeret og rør litt så det klumpar seg. Hell over grovt hakka hasselnøtter, rør og bre utover om og om igjen til massen er lysebrun. Husk, det er veldig varmt! Bruk mellomsterk varme. Pass på så du ikkje steikar for lenge - brent sukker gjør vondt. Hell den varme blandinga over på eit bakepapir som ligg på ei bakeplate. Spre utover og la det heile kjølne. Knus krokanen med ei kjevle, og oppbevar den på ein tett boks.